Video
Read full review
2018-11-28
41 views
今晚食左一餐非常高質既日本最高級別料理-Omakase。Omakase即係由廚師發辦，挑選最優質既時令食物供客人享用，令客人免卻選擇食物既煩惱，但又能享用一餐又廚師細心鋪排既美食。鱻88位於熱鬧既佐敦，地址方便易搵。以木製為主既裝修非常有高級和風餐廳既氣派，配合親切有禮既服務甚有上賓既感覺。餐廳安排左我坐喺Bar枱，令我可以一邊享用晚飯，一邊欣賞師父安排食既過程。坐低之後，師父簡單介紹今晚個course之後，就準備開餐喇。首先上既頭盤有胡麻豆腐，鰻魚蛋同鮟鱇魚肝，三款前菜都好精致好有特色，味道溫和，立即有開胃既感覺。刺身有三款，分別係左口魚，深海池魚同拖羅。Omakase另一個好處係經師父既細心鋪排下，食物由清淡到濃烈慢慢品嚐，味道層次分明，極緻既味覺享受。先係清淡爽甜，晶瑩剔透既左口魚，跟住係味道較濃，油脂味較重既深海池魚，最後就係味道最重，入口即溶既拖羅。之後就係兩款熱食暖胃，分別係北海燒廣島蠔同櫻花蝦雜菜餅天婦羅，廣島蠔大大粒燒得啱啱好，天婦羅都炸得好香口。跟住就係最頭戲壽司，8款壽司分別係青海老，羽太，白子，間八，火炙帆立貝，金目鯛，北海道馬糞海膽同右口魚。8款壽司都好特別，例
鱻88位於熱鬧既佐敦，地址方便易搵。
以木製為主既裝修非常有高級和風餐廳既氣派，配合親切有禮既服務甚有上賓既感覺。餐廳安排左我坐喺Bar枱，令我可以一邊享用晚飯，一邊欣賞師父安排食既過程。坐低之後，師父簡單介紹今晚個course之後，就準備開餐喇。
首先上既頭盤有胡麻豆腐，鰻魚蛋同鮟鱇魚肝，三款前菜都好精致好有特色，味道溫和，立即有開胃既感覺。
刺身有三款，分別係左口魚，深海池魚同拖羅。Omakase另一個好處係經師父既細心鋪排下，食物由清淡到濃烈慢慢品嚐，味道層次分明，極緻既味覺享受。先係清淡爽甜，晶瑩剔透既左口魚，跟住係味道較濃，油脂味較重既深海池魚，最後就係味道最重，入口即溶既拖羅。
之後就係兩款熱食暖胃，分別係北海燒廣島蠔同櫻花蝦雜菜餅天婦羅，廣島蠔大大粒燒得啱啱好，天婦羅都炸得好香口。
跟住就係最頭戲壽司，8款壽司分別係青海老，羽太，白子，間八，火炙帆立貝，金目鯛，北海道馬糞海膽同右口魚。8款壽司都好特別，例如白子壽司同間八壽司都只可以初秋先機會食到。其用料，新鮮程度，美味程度都非常頂級，唔逐一評價，只想稱讚一下師父對待食料既態度認真，技術一流，令我深深體會，令我可以好享受今晚既食物。
最後甜品係豆腐雪糕，香滑好味。
上網一查，鱻有美好，滋味，活的海產，色彩明亮光豔，少有的意思，其提供既食物完全符合以上意思，鱻88絕對係全港最出色日本菜之一。
Post
