佢揀左Elements 一間新開嘅愛爾蘭餐廳
夜晚到達ge 時候，餐廳下層嘅酒吧好熱鬧
侍應示意到上層用餐區
上層裝修時尚有格調
環境清靜，全面落地大玻璃，
望住咁靚嘅夜景食飯好有情調
Menu 選擇豐富，海鮮、扒類、Burger、海鮮
樣樣都好吸引～
同男朋友決定點幾道招牌菜式
開幕期間有限定優惠，
每日唔同，好吸引
是日優惠係Guinness
McSorley's Fruit Fizz (Strawberry)
好清甜，解暑一流
估唔到會用鋼飲筒，飲凍飲更加暢快 支持環保
招牌海鮮扁意粉
海鮮用料唔馬虎
青口好新鮮，大蝦夠彈牙，龍蝦肉爽甜
扁意粉咬起黎柔韌有嚼勁，吸收左紅甜椒汁，好惹味
果然係招牌
美國頂級12安士肉眼扒
配脆炸薯條／薯蓉
Medium Rare 煮得岩岩好
肉質新嫩夠Juicy，
牛味好濃郁，
食落有陣炭爐煙燻香味
配埋黑松露牛油更加惹味可口
招牌香濃朱古力蛋糕
朱古力蛋糕外層香脆，
一切開，軟軟細滑嘅流心朱古力湧出黎
銅鍋好保溫，影左一段相先食，
入面都仲係熱辣辣
朱古力味好濃厚，甜而不膩
配埋雪糕一冷一熱，一脆一軟
大滿足，推薦
侍廳服務態度親切有笑容
主動幫助換碟
環境、服務、食物都屬於高水準
令人開心滿足嘅晚餐
食完飯仲可以行出平台望到維港夜景
係一個紀念日好去處
