食之劇場餐廳 (Closed)

今日入開西貢，就想係附近搵好野食，搭小巴經過白沙灣時見到呢間係海旁既酒店，酒店旁有間日本料理餐廳，就即興入去試下！呢度一個lunch set包晒前菜，野菜沙律，主菜及自家甜品。未開始既時間店員先會送上日本白神山水及毛巾，非常細心！ 野菜沙律分量都幾多，蔬菜新鮮爽脆，蕃茄入口香甜而且無草腥味，配上沙律醋汁酸酸甜甜十分開胃！前菜為油漬三文魚，第一次試呢款前菜，酸酸地有口感又一Ｄ都唔腥！主菜方面，鰻魚飯單看賣相已非常吸引。根據主廚講，鰻魚是先經過蒸然後再燒過，再加上餐廳自家醬汁去醃製，味道與口感都非常出色！伴隨主菜既係一碗味噌湯同一小碟漬物，味噌湯少少鹹好好飲，漬物酸酸地易入口！最後送上自家製海葡萄雲呢拿雪糕，香滑既奶香味先湧入味蕾,海葡萄有少少海水既鹹味！就係咁，對住白沙灣，品嚐如斯美食，好一個愜意既午餐！