Video
Read full review
2023-05-05
1947 views
餐廳：How To Live Well (銅鑼灣)地址：銅鑼灣軒尼詩道500號希慎廣場4樓414-417號舖「How To Live Well🤔？」唔知你又會唔會同How To Live Well @how_dept 嘅老世們一樣成日思考點樣可以令生活過得好啲？識得欣賞生活當中每件微小嘅恩典，享受生命當中所經歷嘅每一瞬間，品味人生、細味學習，相信真喺要不斷咁刻意去反思先會搵到Live Well嘅意義由一間分店變成三間，銅鑼灣希慎廣場呢間分店唔經唔覺就踏入第3年，陪伴咗香港人一段時間，發覺香港人真喺擺脫唔到日式文化，所以繼續主打日本生活概念🇯🇵，以鮮明嘅木系裝飾同家具打造成呢間帶有好強設計感嘅Cafe，就咁喺度飲杯咖啡都覺得特別舒服自在☺️✝️慢煮四元豚肉·薯蓉·肉桂蘋果醬 $158用咗4款日本最好嘅豬種混合育成嘅豚肉，無論色澤、肉味、肉質都相當出眾，甚至慢煮過之後有少少生食都得，咬落好軟嫩多汁💦，拍得住和牛嘅滋味🤤，加埋自製嘅肉桂蘋果醬一齊食更加去埋油膩感，唔試真喺走寶😍✝️煎北海道帶子·伏特加蕃茄奶油長通粉 $138有兩粒非常爽彈、香煎過嘅北海道帶子，配上陣陣蕃茄香🍅、惹味掛汁嘅長通粉，份
地址：銅鑼灣軒尼詩道500號希慎廣場4樓414-417號舖
「How To Live Well🤔？」
唔知你又會唔會同How To Live Well @how_dept 嘅老世們一樣成日思考點樣可以令生活過得好啲？識得欣賞生活當中每件微小嘅恩典，享受生命當中所經歷嘅每一瞬間，品味人生、細味學習，相信真喺要不斷咁刻意去反思先會搵到Live Well嘅意義
由一間分店變成三間，銅鑼灣希慎廣場呢間分店唔經唔覺就踏入第3年，陪伴咗香港人一段時間，發覺香港人真喺擺脫唔到日式文化，所以繼續主打日本生活概念🇯🇵，以鮮明嘅木系裝飾同家具打造成呢間帶有好強設計感嘅Cafe，就咁喺度飲杯咖啡都覺得特別舒服自在☺️
✝️慢煮四元豚肉·薯蓉·肉桂蘋果醬 $158
用咗4款日本最好嘅豬種混合育成嘅豚肉，無論色澤、肉味、肉質都相當出眾，
甚至慢煮過之後有少少生食都得，咬落好軟嫩多汁💦，拍得住和牛嘅滋味🤤，加埋自製嘅肉桂蘋果醬一齊食更加去埋油膩感，唔試真喺走寶😍
✝️煎北海道帶子·伏特加蕃茄奶油長通粉 $138
有兩粒非常爽彈、香煎過嘅北海道帶子，
配上陣陣蕃茄香🍅、惹味掛汁嘅長通粉，份量都幾多，雖然醬汁滿滿，不過加過伏特加可以中和咗奶油同巴馬臣芝士溜嘅感覺，難怪枱枱客人都叫嚟食啦😎
✝️巴斯克流心芝士蛋糕配雜莓汁及朱古力慕絲 $88
訂位嗰陣預先請店員幫手準備慶祝生日嘅甜品，食完主食就徐徐送上，仲寫埋Happy Birthday同點上蠟燭🎉，好有誠意👏。
雜莓汁放咗喺中間有少少凹陷嘅巴斯克芝士蛋糕上面，一切開莓汁同流心芝士就向切口湧流，加上流質嘅朱古力慕絲一齊食，層次豐富而且味道Balance，唯獨個人有少少唔鍾意雜莓汁嘅味道，好彩朱古力濃香cover到😜嚟到又點可以唔飲咖啡呢☕️？有兩款咖啡豆可以揀，分別喺比較Fruity嘅混合Houseblend豆，同比較Nutty嘅單品巴西咖啡豆，老實講我個人就鍾意Nutty啲嘅🤓。
叫咗杯熱Cappuccino(+$30)同Latte(+$30)，
溫度、拉花、啡奶比例，一流👍，
另外仲叫咗杯Baby Cigar($78)，喺Double Espresso當中加入咖啡味啫喱同牛奶，
配上Tiramisu同鬆脆嘅手指餅，甜苦與共，就好比食雪茄般嘅高級享受🥳
Post
