最近朋友介紹下，去咗佐敦一間健康中心食午餐
環境好舒服，坐喺窗邊望出去就係成個城市景，陽光透晒入嚟，感覺好chill～有啲似喺繁忙中偷到一個靜靜地嘆茶嘅角落。
呢度主打蛋白質飲健康為主題
標榜每一餐大約300卡路裡， 飲品有很多味道選擇我揀了
Rose Raspberry亞麻籽蛋白飲
飲品方面我揀咗杯玫瑰紅桑莓亞麻籽蛋白飲，聽個名已經覺得好養生。入口有淡淡玫瑰香，紅桑莓帶少少酸，唔會太甜，亞麻籽令口感滑滑地，好有飽足感，飲完成個人都覺得清咗。 有蛋白質嘅功能但又唔會有蛋白粉嘅騷味。
南瓜慢煮雞胸蕎麥麵*
呢個麵真係幾有驚喜，雞胸肉唔乾唔柴，慢煮得好嫩，配埋南瓜醬好香甜但唔膩。
蕎麥麵煙韌得嚟又唔重口味，食落好清新，啱晒想食得健康又唔想太淡嘅人。
整體嚟講，呢度真係幾啱想hea一陣、食啲靚嘢又唔想太heavy嘅人。下次可能會試埋佢哋其他蛋白飲或者沙律，睇落都幾吸引
