法國飯店

Open Now

Now Closed

終於可以放一個長假期，第一件事梗係要食餐好嘅，慰勞一下辛苦工作嘅自己😉獨自一人去咗黃金海岸，行到累好肚餓就入咗呢間餐廳食午餐。店員安排咗靠窗嘅座位俾我，一望出去就係遊艇會嘅海景，有靚景相伴，嘢食一定會更好味😎首先店員端上一籃麵包，份量都唔少呢！食咗一件麵包之後，就留肚準備食鮮蝦牛油果水牛芝士沙律🥗沙律一層一層咁疊起，有蕃茄、牛油果、大蝦、水牛芝士，外觀吸引，味道豐盛😋到我最期待嘅香蒜大蝦扁意粉配蕃茄汁啦！大蝦吸收晒蒜頭嘅香味，蕃茄汁清爽甘甜，絕對冇得輸🤩一個人清晒全部沙律同意粉，可想言之係幾好食🤤餐牌上仲有好多嘢都想食，下次我會搵多啲朋友嚟，咁就可以試多啲唔同嘅菜式啦🤗