地點：中環街市
菜式：新加坡菜
餐牌：平日下午茶餐牌有10款選擇，有飯有沙律有肉有小食
1
海南雞飯配蟲草花雞湯 $72
海南雞份量好大碟，有雞脾有雞胸肉，雞皮唔會太厚，肉質都唔錯，好嫩，份量好多。跟有三色醬汁，包括甜豉油，辣醬同姜蓉，令雞肉更好味道！伴有三片青瓜解膩。雞油飯熱辣辣好大碗，好好味。蟲草花雞湯雞味好濃，加有少少蟲草花同葱花，感覺補身。
椰香牛腩飯配蟲草花雞湯 $68
牛腩一客5件，好嫩口而且有少少咬口，咖哩味辣辣地，好滑溜，面頭明顯見到梛漿，餸飯一流。伴有白飯一大碗。呢個餐都有蟲草花雞湯。
泰式古法炸鮮奶 $28
泰式古法炸鮮奶一客三件，超級熱辣辣！炸得外脆內有流心鮮奶流出，超正，極力推介！
上菜快速，食物質素唔錯，下午茶價錢抵食。
