福薈川菜 (Closed)

一向鍾意食辣嘢，所以會周圍去搵唔同川菜食，今日喺九龍做嘢，搵到旺角呢間位於亞皆老街十字路口嘅川菜，係正旺角東站新世紀廣場附近，地理位置10分方便。一入到餐廳已經聞到一陣辣味，非常吸引，都有一啲相信係內地遊客嘅食客喺度食。我哋叫咗烤魚同埋清炒萵筍絲，條魚我哋叫咗小邊都非常大條，而且配料好多，包括薯粉、白菜、金針菇、蓮藕片、豆卜，非常豐富。條魚炸過非常之香口，食嘅時候個皮都脆脆地。本身仲以為清炒萵筍絲會好多油，不過佢加埋啲木耳一齊炒，仲好健康。