八瀧

Open Now

Now Closed

八瀧一間簡單低調既日式壽司店，感受到師傅對食材的認真同執著，小店五臟俱全🏚疫情期間都好擔心佢地生意受好大影響會捱唔住🥺因為冇左晚市堂食，但好好彩依家放寬返，仲有機會食到師傅既手勢🥹講返正題先，因為拍拖週年就黎到👩‍❤️‍👨所以就搵下餐廳慶祝，不過最後都係冇試新餐廳，去返之前食過既八瀧慶祝，一來想支持下餐廳，二來食過覺得質素唔差，萬一有伏，紀念日當日就尷尬了🫠坐低一陣店員就上前菜，之後慢慢到壽司環節，擺盤同味道都係一流，拖羅係我食過最好食既拖羅😳滑溜冇筋，油分重，就算膩都想食多一件😝北寄貝肉質好緊實，幾有咬口，味道淡而清，甜蝦啖啖肉，層次好豐富，鮮甜就一定架啦，是日最愛之一🥰