麻辣風雲 (Closed)

去過荃灣分店，一定都好掛住麻辣風雲嘅炸饅頭同酸菜魚！咁岩旺角都有就去食晚飯啦~餐廳成個裝修非常中國風，門口仲有個古式涼亭，成個氣勢十足！當然要叫返個酸菜魚同炸饅頭啦！酸菜魚可揀辣度，今次揀小辣，只係微微，下次可以試中辣~入面好多配料有芽菜、萵筍、薯粉等，魚質算嫩而無骨，所以食個陣唔洗就住就住，份量都幾多，2-4 個人食都可以！炸饅頭食嘅唔止係佢嘅味道，最重要係好值得打卡😝上菜就成隻船咁上，仲配乾冰，仙氣十足！炸饅頭外層炸到金黃色，外脆內軟😋另外仲要咗個香辣肉炒飯，有少少辣香，2 個人食算多，不過主要用嚟配酸菜魚，真係好夾😋推薦👉乾煸肥腸鍋氣十足，風味極佳入口香氣充滿成口，辣度微微，雖然肥腸唔夠乾身，但口感勝在彈軟鹹香😋麻辣風雲🌟餐廳位於旺角彌敦道628號瓊華中心10樓