Marilyn Diner

一直都十分喜歡幫襯小店，因為小店好多都喺比大舖用心好多，所以味道一般都比較好。第二次幫襯這間店，其實真喺要說明，這間店真喺好細好細，如果大家要坐得舒適，吹水吹得耐，你唔好嚟呢間店。而且唯一店員，也就喺老闆娘喺一個非常主觀嘅人，最好你吃嘢唔好太多麻煩她，其實不錯。簡單來講喺好直接嘅人，但關於啲嘢食問題，佢喺好樂意答你，甚至好好笑佢會教埋你點整，當然佢教得你，亦可能要有佢啲食材先可以，簡單一句都喺去佢度先食到。因為我和朋友都唔食牛㗎，所以好遺憾冇辦法品嚐他們的招牌菜。第一次個陣唔知食咩，於是揀左個羊扒，其實已經印象難忘，因為完全喺五星級大廚之作，而且價錢好公道，100樓下可以有咁實在喺正。
好啦，今次再嚟多次，但店裡已經滿晒，佢即刻喺出面開左張檯比我哋!我地冇BOOK檯都開比我地，同呢度所講話佢好差完全兩回事，又或者老闆娘認得我地(講笑..)! 不過老實講!!唔係人人都接受到係街邊食。真係要高級，未必接受到。

老闆娘推介了幾款招牌菜比我地，其實冇寫價錢的，都是老板娘講的，也相信他不是呃錢的。分別叫了一個薰衣草焗美國野雞同藍青口芝士墨魚麵。

首先黎的周打魚湯，真的非常美味，用料十足! 有大量的蔬菜，魚肉和其他海鮮，然後是個十分特別的沙律，用柚子籽同英式芥末所調製十分香口，這個沙律我在其他地方都識唔到，非常入味。

之後上主菜了，其實用薰衣草所做的食物是非常困難，我只在日本和台灣試過，但香港從來冇人敢整! 所以也覺得這可能不會太好。但薰衣草的香氣和美國野雞
配合得好好，你唔會感覺佢大量的薰衣草味道去掩蓋野雞的香味，很多人都知道薰衣草氣味強烈，要配合得好是很困難。而且配菜都用了薰衣草的，十分難得。

之後是藍青口芝士焗墨魚麵，無可否認這店的主打係扒類! 所以海鮮始終次一等，但都十分好! 雖然藍青口吃上去就知道是急凍的! 但都是很好。而且墨魚麵都是蒜蓉去煮，十分香口。

最後叫了一個TIRIMISU! 都十分好，不是HEA作。 整體這個店食物一流的!! 但環境始終比較狹窄! 希望有更多人支持後可以搬到更大的店會更好!! 記得早D BOOK檯, 否則未必有得食的。

1

薰衣草薯泥焗香草美國野雞

1

芝士蒜泥焗藍青口墨魚汁麵

1