原個椰子雞湯（半隻）$268真係成個椰子水連埋肉係你面前倒哂落去個鍋到，即刻成個鍋變到好清甜，每一啖都食到淡淡的椰子香味。雞肉份量都算多，味道唔錯。
至尊天九牛腩頭 $378一碟大約有１６塊左右，中等厚度，都算大塊，牛肉味愈咬愈出，脂肪唔多相對比較有咬口。
百花齊放蔬菜拼盤 $88有８款可選３款菜，我地揀左西洋菜、油麥菜同皇帝菜，好綠好新鮮。
丸子餃子拼盤 $88
都係可以揀３款，牛肉餃、手打蝦丸同墨魚丸，牛肉餃餡料都幾多，蝦丸真係見到好多蝦好爽口，真材實料，而墨魚丸就比蝦丸彈牙好多，估唔到質素咁好。
唔係椰菜花椰香脆麻花 $48自己一向都好鍾意食脆麻花，呢個真心覺得好好味，有６舊，熱辣辣出爐，好脆卜卜，配埋溶溶地蜜糖，又香又甜，重點唔痴牙又唔太甜。
