麻辣風雲 (京都廣場) (Closed)

喺香港第一次食酸菜魚先係麻辣風雲荃灣店，覺得唔錯，見佢開咗銅鑼灣店咁方便，帶朋友去試下，特別係炸饅頭👍上次食完先知麻辣風雲原來係ToNick主唱趙善恆有份開嘅，要支持一下。值得一提嘅係銅鑼灣店嘅餐具，印有古典圖案，我覺得好靚😍 酸菜魚 ($268)💕第二次食，可以揀辣度，我地揀左小辣。魚片算滑，酸度剛好。最欣賞係寛粉，煙韌得黎又容易咬斷，口感好好。 炸饅頭 ($58)💕麻辣風雲嘅招牌菜，都係用一架船載住炸饅頭出場出哂煙咁，連同煉奶同3種醬(朱古力醬、花生醬、綠茶醬)，個人最喜歡花生醬，因為咸咸地幾得意。 蒜泥白肉 ($78) 可能其他餸嘅味道比較濃，所以蒜泥白肉味味道偏淡，但肉質都尚算可以，唔會太肥 涼爽菠菜酸辣湯 ($48)市面上嘅酸辣湯多數係熱嘅，見到有凍嘅酸辣湯就叫黎試新嘢。原來真係凍湯黎，顏色似西湖牛肉羹，睇到材料分佈好均勻，酸酸辣辣又凍凍地幾得意，湯味道偏辣🌶 菊花蜜 ($48)用粉紅色酒呈裝住菊花蜜，用兩隻碟仔飲，好有feel 龍鳳檸樂 ($28)檸檬加咸檸檬就係龍鳳嘅意思，加一罐可樂，咸咸地食辣野正