🫖茶位$8
荔枝紅茶帶有淡淡荔枝香，清清地好解渴。
🔸招牌海南雞飯 $128
上次試咗喇沙今次一定要試返招牌海南雞飯，都係經典配搭跟個湯、油飯、三色醬汁。雞肉嫩滑，想要指定部位可以+$8轉雞髀或雞胸。油飯粒粒分明乾爽唔油膩，想無咁邪惡都可以選擇白飯。
🔸檳城脆蝦角 $96
似炸雲吞，好脆口，入口唔油，點埋甜辣醬一齊食好惹味。
🔸菠蘿蜜山渣糖醋肉排 $158
肉排口感軟腍，份量都幾多，酸酸甜甜送飯一流。
🔸海南椰子雞湯 $128
上次飲過印象深刻，係個人必點推介🫶🏻雖然配料不多主要只有椰子肉及雞肉，但份量很足，當小食也ok!! 雞湯味道濃郁帶淡淡椰子香，令人一啖接一啖飲唔停口🥣
