Lagom Kaffe (Closed)

之前去過觀塘店，今次嚟牛頭角encore。前一日係openrice book咗枱，入到去仲有好多位，但店員話下奏booking比較多，所以安排我地坐吧枱，用餐時限90分鐘。最鍾意Lagom間間分店都咁闊落，雖然對住工業區，但成塊落地玻璃係正嘅。Lagom係用QRcode落單，可以睇到唔同餐點嘅相，menu上嘅選擇唔算多，上次係觀塘試過risotto食過返尋味，可惜今次lunch time冇risotto，就叫咗兩款意粉。刺身帶子黑松露忌廉汁意粉 🌟4/5黑松露味好香，味道又好出，啲汁唔會太過膩，帶子大粒爽滑。本身對佢冇咩特別期望，但竟然又唔錯。奶油花雕燉雞意粉 🌟3/5聞落去有花雕雞味，但食落去又唔多覺，似係奶油意粉多啲。而且燉意粉啲汁會多啲、濕潤啲，個人都係比較鍾意乾身少少，可以掛汁嘅意粉。對比起嚟，呢個就冇黑松露意粉咁好食。今次食嘅兩款意粉冇上次risotto咁驚艷，但都唔錯嘅，如果想高質食餐飯，又唔想同人哋枱貼枱，呢間係唔錯嘅選擇。