Video
Read full review
2022-05-20
677 views
上次食過澳洲M5和牛吃到飽套餐，覺得性價比唔錯，今次照舊帶未試過嘅友人試吓。照舊有奉送每位兩條嘅牛舌芯，唔知係來貨唔同咗定其他關係，今次色澤比上次更為深色，燒完咬落都較為韌口。之前嚟食每款肉都會附有肉名牌仔，今次唔知係咪太多食客嘅關係，只有部份肉類有標明肉名，部份就無。牛肉方面，主要點選咗SRF極黑牛、安格斯牛板腱、三角牛肩肉、鹽燒牛舌、黑椒羊蔥牛舌等。個人幾鍾意三角牛肩肉，唔會太大塊，厚薄適中，易燒之餘食落又唔會韌。雞肉方面今次叫得唔多，試咗帶辣勁嘅老虎雞翼，單骨雞翼肉質軟熟，辣度都唔惹少。呢到最正係有台式小食，忍唔住encore咗鹽酥雞，澎湖花枝排同梅山酥炸薯都係必試之選！今次燒嘅中途有位女店員一直好關心食客燒肉情況，會主動問換爐，又會教我地燒台灣小枕頭注意事項，禮貌同服務都好加分。點選咗上次有飲到嘅百香果綠茶，今次都係好清爽，底部仲有唔少果粒，好啱夏天飲。而友人就鍾情果茶系列，揀咗藍莓果茶，飲落幾低糖，又帶有藍莓天然果味。食完放題照樣可以每人揀一款啦甜品或者雪糕，上次點選嘅檸檬愛玉變咗安平仙草芋圓，對於芋圓感興趣嘅我哋都唔執輸試吓。除咗基本嘅仙草同迷你芋圓，甜品仲加入咗紅豆、花生
照舊有奉送每位兩條嘅牛舌芯，唔知係來貨唔同咗定其他關係，今次色澤比上次更為深色，燒完咬落都較為韌口。
之前嚟食每款肉都會附有肉名牌仔，今次唔知係咪太多食客嘅關係，只有部份肉類有標明肉名，部份就無。牛肉方面，主要點選咗SRF極黑牛、安格斯牛板腱、三角牛肩肉、鹽燒牛舌、黑椒羊蔥牛舌等。
個人幾鍾意三角牛肩肉，唔會太大塊，厚薄適中，易燒之餘食落又唔會韌。
雞肉方面今次叫得唔多，試咗帶辣勁嘅老虎雞翼，單骨雞翼肉質軟熟，辣度都唔惹少。
呢到最正係有台式小食，忍唔住encore咗鹽酥雞，澎湖花枝排同梅山酥炸薯都係必試之選！
今次燒嘅中途有位女店員一直好關心食客燒肉情況，會主動問換爐，又會教我地燒台灣小枕頭注意事項，禮貌同服務都好加分。
點選咗上次有飲到嘅百香果綠茶，今次都係好清爽，底部仲有唔少果粒，好啱夏天飲。而友人就鍾情果茶系列，揀咗藍莓果茶，飲落幾低糖，又帶有藍莓天然果味。
食完放題照樣可以每人揀一款啦甜品或者雪糕，上次點選嘅檸檬愛玉變咗安平仙草芋圓，對於芋圓感興趣嘅我哋都唔執輸試吓。除咗基本嘅仙草同迷你芋圓，甜品仲加入咗紅豆、花生同奶。
Post
