相馬日式火鍋 (Closed)

今晚約左朋友喺去荃灣打邊爐，全幢大鴻輝都差唔多都係食野，我地就揀左呢間較為新開既舖食。豉油配料正常，都係主要用開嗰幾隻，另外仲有胡麻醬、芝麻醬同柚子醋。配料都有好多款，好少見既甘荀仔細細隻都幾甜。菜就特別在有羽衣甘藍，幾新鮮無苦味。丸都唔錯，有隻厚皮既魚腐都幾好食。仲有朱古力噴泉。飲品款式都有好多比大家揀。6款湯底唔洗加錢，鴛鴦鍋都可以。主角到了，啲牛肉油脂分部得好靚，肉質唔錯。豬肉煮完都唔嚡口。雞肉亦都好滑好嫩。之後都叫左4轉牛，都比返差唔多質素的。另外佢仲有即叫即炸既野食，粉唔厚，熱辣辣好香口。