大邊爐火鍋店

Open Now

Now Closed

冬日來到，又同屋企人去咗宋皇臺嘅「大邊爐火鍋店」打邊爐，暖笠笠咁坐埋一齊食飯好幸福。*此餐廳收取加一服務費。蝦滑釀鮮冬菰（單點$156），蝦滑口感彈牙，味道鮮甜，冬菇肉質厚身，食落好Juicy。豉味梅菜肉丸（單點$90），手打肉丸口感爽彈，內有梅菜、豆豉，梅菜味道香甜，豬肉食落肉味濃香。冬瓜瑤柱湯底（單點$88），冬瓜口感軟硬適中，瑤柱份量多，味道鹹鮮。鮮蝦水餃（單點$70），皮簿餡多，鮮蝦、豬肉比例適中，鮮蝦食落有鮮味，內有莧菜。枝竹（單點$36），份量多，食落豆香味濃。日本烏冬（單點$34），口感煙韌。芥醬（兩人$40），包括有蒜蓉、炸蒜、指天椒、沙茶醬、香蔥、豉油、自家製XO醬，自家製XO醬內有瑤柱、豆豉，食落好香口。酸菜（單點$18），醃青木瓜，口感爽脆，味道酸甜。竹蓆茅根水（單點$74），味道清甜。