韓閣 (Closed)

今日忽然黃色暴雨，急急衝入商場暫避。行左幾步見到呢間充滿韓風嘅cafe，喺相連嘅韓貨小店睇左陣，就決定入去歇一歇。Cafe內貼滿左各式各樣嘅韓國電影海報，中庭位置嘅大樹係必打卡位。二人夏之戀下午茶期間限定(原價$257）有77折，咁扺就叫咗個試吓。下午茶非常豐富，上層有迷你漢堡、焦糖燉蛋同泡芙；下層有雞翼、雞批酥、蟹籽沙律撻、格仔餅同沙律。顏色非常靚，加埋頂層嘅一對金魚裝飾，非常精緻！另外仲加左個即燒原條魷魚皇小食，真係有15cm咁長，非常吸睛！飲品就叫咗杯精品咖啡同熱情果烏龍茶。咖啡唔會酸，不失色於咖啡店嘅咖啡；熱情果烏龍茶酸酸甜甜，非常醒神！食完Tea，開開心心渡過左一個橫風橫雨嘅下午～