Amusement Eatery (Closed)

今日一齊去食墨西哥菜，開心又興奮，冇得去旅行，唯有寄情食食食。呢度用左好多led，成係格調係氣氛mood。好，坐低睇吓有咩好食先。和牛肉醬墨西哥粟米片，個醬有輕微辣，牛肉味混合香草味，塗落脆卜卜嘅墨西哥脆片上面，正！牛油果沙律，又係我最喜歡嘅牛油果，沙律菜新鮮配上黑醋，美妙嘅Appetiser北海道帶子三文魚子墨汁手工意粉，除左帶子，仲有魷魚、青口，成個意粉好豐富，意粉比較挺身。西班牙黑毛豬鞍，個肉質唔錯，一切就開，豬鞍骨位有少許脂肪。特大日本雪糕新地，日本雪糕奶味重，我好喜歡，呢個甜品真係for 兩個人。最後叫左熱朱古力、熱咖啡，慢慢談下心先。