伊賀日本燒肉料理 (Closed)

朋友見到網上有優惠，$228時段日式燒肉放題，二人同行一人半價，所以就抱住試下的想法訂左位。打左過去，有位就即刻訂。上到去其實都驚會不會有其他收費陷阱，入去前都同門口帶位ge店員問清楚，店員都好友善，詳細講返優惠中的事項。所以我地都放心入去食。日式格局，枱同枱之間有小屏風隔住，免去同陌生人同枱的尷尬。其實入到去見到每枱都有只船，還在想是怎麼回事。原來是每枱的前菜，造型靚靚，實落都開心d。用平板電腦點菜，上菜速度快，不用填紙仔，good！小食，野菜，燒物，海鮮，炸物，刺身，壽司樣樣齊。肉類不錯，水準之上。不過更愛海鮮，大大只牛油扇貝在網上慢慢烤，香氣四溢，加埋蒜蓉，正！！值得一提，蒜蓉可以另外叫，中意加蒜就加蒜，不中意加亦得。炸物同樣ng錯，最愛炸榴蓮波，熱辣辣上枱，一口咬開，流心榴蓮餡，味道一流，不過要小心辣親自己。食埋雪糕，❤滿意足離開，今ge價錢，抵到爛。可惜優惠只到11月2日。希望下期會繼續有這個優惠。