Video
Read full review
2015-11-06
564 views
已經有一段頗長時間，無同啲老朋友聚舊了，大家都因為工作忙同要照顧家人，所以定期嘅聚會，就少咗好多，剛好有老朋友從外國回來聚舊，所以班朋友都二話不說，一於搵個時間出嚟飲番杯，傾吓計，最後因為要就大家方便，經朋友介紹下，就搵咗呢間銅鑼灣登龍街嘅酒吧餐廳七重天，聽講地方坐得舒服，又可以飲吓酒食吓嘢。嚟到門口已經被紅色大招牌及紅牆金釘牆身走廊的氣勢吸引住。入到餐廳裡面發現自己仿似置身於在二、三十年代的上海歌舞廳感覺，因為呢到裝修極仿似舊上海的歌舞廳，有華麗嘅水晶吊燈，有懷舊舒適嘅單人皮梳化，另放有舊式的留聲機同咪Stand，再配上呢到柔和嘅燈光同舒情的英文老歌，氣氛令人有很輕鬆舒服的心情。呢到仲有一間VIP房間，可預訂，適合同朋友輕輕鬆鬆暢飲一番。餐牌同油燈也很別緻同懷舊呢～Qi Zhong Tian Signature & Special 酒精飲品，名稱都好特別以人物同上海街道而定名。所有Signature 都以不同顏色展現，呢杯叫王昭君，有rum151、orange liqueur、cherry stone liqueur、vodka，經Bartender用火燙過後，真的會變橙色呵﹗顏色很
已經有一段頗長時間，無同啲老朋友聚舊了，大家都因為工作忙同要照顧家人，所以定期嘅聚會，就少咗好多，剛好有老朋友從外國回來聚舊，所以班朋友都二話不說，一於搵個時間出嚟飲番杯，傾吓計，最後因為要就大家方便，經朋友介紹下，就搵咗呢間銅鑼灣登龍街嘅酒吧餐廳七重天，聽講地方坐得舒服，又可以飲吓酒食吓嘢。嚟到門口已經被紅色大招牌及紅牆金釘牆身走廊的氣勢吸引住。
入到餐廳裡面發現自己仿似置身於在二、三十年代的上海歌舞廳感覺，因為呢到裝修極仿似舊上海的歌舞廳，有華麗嘅水晶吊燈，有懷舊舒適嘅單人皮梳化，另放有舊式的留聲機同咪Stand，再配上呢到柔和嘅燈光同舒情的英文老歌，氣氛令人有很輕鬆舒服的心情。
呢到仲有一間VIP房間，可預訂，適合同朋友輕輕鬆鬆暢飲一番。
餐牌同油燈也很別緻同懷舊呢～
Qi Zhong Tian Signature & Special 酒精飲品，名稱都好特別以人物同上海街道而定名。
所有Signature 都以不同顏色展現，呢杯叫王昭君，有rum151、orange liqueur、cherry stone liqueur、vodka，經Bartender用火燙過後，真的會變橙色呵﹗顏色很美，酒味很濃，另Bartender 非常有心思，偶然會在客人面前表演一吓，跟客人打成一片，傾吓調酒心得。
紅色呢杯就係武則天，有sweet vermouth、green apple syrup、vodka、red wine，酒味不太濃，味道甜甜地，再加上碎冰，很容易入口，感覺很清新涼快。
芝士年糕，芝味剛好，口感煙韌鬆軟，非常好食。
金箔香菇，與一般日式串燒比較，多咗啲金箔，感覺也貴重了，但金箔味道不太出，所以只食到很香甜的冬菇味。
煙肉荔枝卷，煙肉燒得香脆，內裡荔枝肉甜美多汁，鹹甜相夾，很不錯呢﹗
焦糖雞翼，雞翼外層被焦糖佈滿，燒得非常甜脆美味。
藍帶雞翼，以藍芝士及蜜糖醃過，經燒烤後，芝味也很濃，喜愛食芝士的朋友，是個不錯的選擇。
川燒豬頸肉，豬頸肉燒得很香，很有咬口，加上了孜然粉，更加惹味。
西班牙黑毛豬，肉質鮮嫩，有少許脂肪，脂肪化後，肉更軟腍。
魚子醬燒白鱔，白鱔外皮燒得香脆，肉身夠厚，爽口彈牙，配上魚子醬，值得一試。
牛肋骨，牛味濃郁，肉身軟腍多汁，非常美味。
Post
