粵翠軒 (Closed)

剛搬到荃灣，完全唔知附近有乜好食，上openrice search咗一陣，決定試吓粵翠軒。是日為星期五晚，頗爆場，好彩有訂位。裝修唔錯，不過啲冷氣機好似有問題，積水隨時會滴落嚟，非常不合衛生。我同男友叫咗：鮮腐竹白果浸菜苗、清湯蘿白牛腩、竹桶菜飯、兩碗白飯。首先上枱的是竹桶菜飯，食哂，啲餸都未嚟，三催四請，個鮮腐竹白果浸菜苗先上枱。立即落order兩碗白飯，可惜的是個浸菜苗已被我倆清得七七八八，嗰兩碗白飯先由侍應緩緩送上。嗰兩碗遲來的白飯也差點等不到那珊珊來遲的清湯蘿白牛腩。唉！對我哋呢對視白飯如命的情侶來說，這餐飯真掃興。話雖如此，粵翠軒的清湯蘿白牛腩處理得也真不錯，蘿白清甜無渣，牛腩炆得夠淋，湯底一點不油膩，難得。