今日食完飯經過山林道，小小連儂牆映入眼簾
即時停低腳步，衝入去支持黃店
自從中學畢業收起件校服之後，都係第一次因「服飾」食野而有折扣
今日件灰衫唔算黑，但老闆都俾咗個優惠我
三色仙草芋圓
花奶可落可不落，員工會問你的~
有黑糖啫喱，甜度適中嘅紅豆，大大粒煙UN芋圓
拿真係唔係黃店就立亂讚，但佢嘅仙草真係好好好好食
清爽嫩滑，成碗唔會甜到痴線，好適合啲想健康又為食嘅絲打
芋圓方面，自己整過就知木薯粉同芋頭，蕃薯等等份量要拿捏得好
想原料味出啲就要少啲粉，但可能無咁Q彈
呢種呢，就偏向煙UN啲嘅 就睇個人口味啦!
突然醒起有人話標籤自己黃店係營銷手段
我倒想話，喺呢個莫須有罪名、瀰漫住白色恐怖下的香港
不表態帶來嘅安全，好似比表態後一時嘅利潤增長(仲可能未必)來得更有遠見吧
總之，點都好，多謝幫襯變咗加油
成件事WARM得多了~拎番工食得好開心
香港人加油
