牛牛日式火鍋放題 (北角匯二期) (Closed)

平時都鍾意食火鍋，特別係日式火鍋，不過早前因為疫情關係，所以都唔敢去食。今日同男朋友行開北角匯，見到Gyu Gyu，忍唔住去左幫襯～～我地揀左美國頂級牛肉放題餐，配上芝芝番茄湯 & 大地鰹魚湯，2個湯底都非常濃味～跟餐有皇冠豚梅肉 & 頂級牛肩胛，2款肉都係薄切，非常適合火鍋，容易熟。牛肉有牛味，豚肉又有豬味，總之好好味～～而且2款肉都可以無限refill，啱哂食肉獸嘅我地。除左2款肉之外，仲會有其他食物可以自行選擇。我地拎左一份鹵味，發覺非常入味。我地又拎左磨菇、草菇等，放入湯底，令到湯底更加濃郁。各類丸當中，我地最欣賞墨汁墨魚丸，有重重嘅墨魚味，而且又彈牙，正！飯後甜品有雪糕，分別有雲呢拿、草莓、朱古力味。食完熱辣辣嘅火鍋後，有凍冰冰嘅雪糕，感覺好幸福。最後值得一讚，餐廳非常注重衞生，客人出去拎食物時，都必需戴上口罩，令我地食得好安心！而且侍應都非常熱心服務客人，食完嘅碗碟都迅速有侍應幫忙收走！