至今水準仍舊保持，地方乾淨，店員都好好招呼，次次經過都排長龍，今日阿仔想食車仔麵，諗住早啲落嚟食免開人潮，點知都係要排隊，
值得一讚店員就算幾忙都笑容十足，今次叫咗兩個麵同小食
牛魔王
材料豐富，有韮菜、牛肚牛腩、蘿蔔、牛丸炸鮮竹卷比我之前食更入味，牛肚牛腩都好入味，最推介炸鮮竹卷，材料豐富又彈牙！
小食分別叫咗雞軟骨同炸魚皮！雞軟骨食落好爽脆，炸魚皮好好脆薄而且唔會有油溢味
另外散叫咗一個河粉，有咖哩魷魚、牛腩、滷水蛋河粉、傳統湯，
咖哩魷魚煮得剛好入味，牛腩軟淋，傳統湯底應該即是清湯加腩汁吧！味道夠但又唔會口乾，好正
其實食車仔麵最緊要材料乾淨煮得入味，呢度通通滿足到我
