Video
Read full review
2018-02-26
4574 views
新春行大運，入左荃灣搵朋友食飯逗利是~XD 朋友帶左我去呢間打邊爐 呢度價錢真係超抵，百幾蚊任食2小時 官塘 199都係得60分鐘~@@ 樓下等LIFT 爆多人，原來呢度真係超大 放眼過去，真係望唔到盡頭~ 最厲害的，仲要係咁多位都FULL哂，仲有人排緊隊等位~ 呢度地方夠大，座位都幾闊落，每張枱都夠大，放多D食材都得 最震撼係呢個調味枱，成條火車軌咁長呀~ 淨係辣椒都有好多唔同款 簡直混醬都開心~XD 飲品方面真係超級多選擇 除左有啤酒汽水，仲有咖啡機，飲品機，就連花茶都有得自己沖~ 呢度雖然全部任食，但都分為入紙點同自己攞 呢張紙上面既，就係要入紙點的 坐低先來個湯底先，點左雙拼既酸菜白肉鍋同台式麻辣鍋 麻辣鍋叫左一隻辣椒試試先 入面既料無川式麻辣咁多，辣味唔算好勁，普通都接受到 但味道都越滾越濃，食到後尾，感覺有D咸~ 朋友勁鐘意的酸菜白玉鍋 酸菜少酸但幾新鮮，湯底較清新同淡口，比無想像中咁酸 點菜紙上的肉全部來一篇 (每款叫左一份) 上菜超快的，一陣就上哂 有豬有羊有牛，整體質素唔錯 薄切夠方便，一灼即食 最好食係呢款牛五花，灼耐左D肉都仲好嫩滑 海鮮方面就
朋友帶左我去呢間打邊爐
呢度價錢真係超抵，百幾蚊任食2小時官塘 199都係得60分鐘~@@
樓下等LIFT 爆多人，原來呢度真係超大放眼過去，真係望唔到盡頭~
最厲害的，仲要係咁多位都FULL哂，仲有人排緊隊等位~
呢度地方夠大，座位都幾闊落，每張枱都夠大，放多D食材都得最震撼係呢個調味枱，成條火車軌咁長呀~
淨係辣椒都有好多唔同款簡直混醬都開心~XD
飲品方面真係超級多選擇除左有啤酒汽水，仲有咖啡機，飲品機，就連花茶都有得自己沖~
呢度雖然全部任食，但都分為入紙點同自己攞呢張紙上面既，就係要入紙點的
坐低先來個湯底先，點左雙拼既酸菜白肉鍋同台式麻辣鍋
麻辣鍋叫左一隻辣椒試試先入面既料無川式麻辣咁多，辣味唔算好勁，普通都接受到
但味道都越滾越濃，食到後尾，感覺有D咸~
朋友勁鐘意的酸菜白玉鍋
酸菜少酸但幾新鮮，湯底較清新同淡口，比無想像中咁酸
點菜紙上的肉全部來一篇 (每款叫左一份)
上菜超快的，一陣就上哂
有豬有羊有牛，整體質素唔錯
薄切夠方便，一灼即食
最好食係呢款牛五花，灼耐左D肉都仲好嫩滑
海鮮方面就唔算太多有4款揀，2款魚，蝦同是日海鮮
蝦就超有質素，大大隻，夠哂新鮮
淥完肉質好彈牙~
是日的海鮮就係花蛤，不過唔太鮮甜，肉唔夠肥，有D失色~
至於任食任攞方面就多啦~共有4個雪櫃腸仔/蟹柳/魷肉......
花膠同沙猛魚係任食黎講真係少有
餃子有特別的燕餃，仲有雞子，滑牛，牛栢葉，豬潤....
同埋比較少見的豬粉腸同滷大腸~
丸都佔左一個櫃~ 芝士丸/蟹子丸/墨魚丸/麻吉燒/龍蝦丸~水魚蛋好滑的說~
菜的話，佢會唔同時間拎唔同既菜，一拎就成批我地入去時係西洋菜，走個時已換左生菜同菜心了
菜種類太少？ 其實有一個櫃係放瓜/菇的
薯仔/蓮藕/粟米/珍珠荀/冬瓜片/金菇...
真係食菜都食飽呀~
除左種類多之外，幾鐘意呢度既食物衛生程度幾好每款食物都白雪雪，完完整整，乾乾淨淨
而且又唔會有水滴滴的情況出現
加上當晚既人都幾斯文，攞野食唔會亂撞, 食物都唔會拎到周圍都係而且REFILL 都幾快，食物清空大半，好快就上番架~
甜品方面唔算好多，但都有一個櫃~仲有即整的焦糖燉蛋
可惜我同朋友掛住傾計，傾到十點幾後，甜品檔已經收左，未試到質素如何添~
雖然無甜品，但仲有DREYER'S 同雪條/雪糕糯米滋補番數
其實初初都有D擔心，好多呢D任食任拎場食物質素都麻麻求其俾D垃圾你食，又或者俾D人整到D野好污糟，爛溶溶
不過呢間馬辣台式鴛鴦火鍋真心唔差
價錢平，食物質素唔錯
就連個廁所都干淨企理呢個真係要讚讚~
咁多人，真心好難KEEP到~
缺點係等LIFT 上黎時要等得耐D囉~ 同埋人太多，比較熱鬧~
Other Info. :
請預15分鐘搭電梯
(The above review is the personal opinion of a user which does not represent OpenRice's point of view.)
Post
