賞麵

Open Now

Now Closed

中午放飯經過荔枝角呢間車仔麵，門口已經有人等外賣，裏面裝修企理乾淨，冷氣夠強勁，就食呢度啦。好，坐低睇吓有咩好食先。呢度可以寫紙仔，呢度可以寫紙仔，亦可以掃QR code落單，仲有好多款唔同嘅辣醬可以選擇。乾燒貝、牛腩、花枝丸油麵，花枝丸夠彈牙，仲有好多件牛腩，炆得腍之餘帶點脂肪，好味。朋友仔叫咗牛肚、豬皮、豬軟骨，都好好食，每件都切到一定厚度，咬落有口感，唔會散開。生菜綠油油，新鮮食落爽口。泡菜煎餃，個皮夠薄，裏面餡料足夠。香酥雞翼，啱啱炸起，食落又香又脆，夠大隻啖啖肉。