九井壽司 (Closed)

Megabox商場既高層有好多唔錯既餐廳,日本菜都有好幾個選擇,今次黎試下九井壽司,鍾意呢到裝修新淨,燈飾光猛,一入到去就覺得間餐廳好整潔!呢到係用ipad點餐,落完單幾分鐘,高速列車就送到食物黎!效率好高!火灸芝士鰻魚壽司 同 三文魚壽司, 味道唔錯,芝士燒得熱熱地,入口好快溶化, 而三文魚壽司不過不失,三文魚算係幾大塊!海膽三色迷你丼, 餐廳做緊優惠,有齊三文魚,吞拿魚同海膽既刺身飯只係$20,非常抵食!每人限量一碗, 必食! 三文魚加州卷  同   龍蝦沙律卷, 對比起較高級既日本餐廳,呢到既食物賣相較為失色,不太吸引,但就勝在大件抵食,特別係三文魚加州卷,塊三文魚真係好大塊,呢到既卷物都大大件,食材算新鮮!最後,當點滿4碟壽司時,螢幕會自動彈出遊戲,中獎的話會免費送一碟壽司,可惜今次玩了兩次遊戲都沒有中獎..