好燒式串燒專門店 (大南街)

Open Now

Now Closed

響太子行完花墟，想響附近食啲野先。一入去店員就提供消毒比我地搓手，餐廳都幾注重衛生！加上以串燒店黎講，餐廳空氣流通，食完唔會搞到成身都吸曬啲味，抵讚！蒜蓉包蒜蓉包烘到好脆口，但一啲都唔乾，麵包上面鋪滿好香既蒜蓉醬，發現原來最出色嘅係側面焗到林晒嘅蒜頭，了埋出黎再放上蒜蓉包真係一流！牛肋串啖啖肉！唔會燒到好老，肉質嫩而且食落有好香既牛味，推介！仲嗌左豆腐，外層烤到脆卜卜，好似平時燒嘢食燒豆卜咁，但係佢呢度就係入邊仲有埋嫩滑嘅豆腐，感覺幾特別！翠玉瓜非常juicy嘅翠玉瓜，味道清新，食串燒嗌下蔬菜即刻覺得健康啲！海蝦海蝦好新鮮，唔係雪藏嘅，肉質好實！芝士墨西哥薄餅外皮香口脆薄，入邊超足料，有滿滿既芝士，但食落又唔會漏，鍾意芝士既必食！黑松露野菌雞肉意粉意粉好creamy，加埋非常慷慨嘅黑松露醬，令到每一啖都有濃濃既黑松露味！