隼 (Closed)

嗰日同朋友係megabox行街，路過見到呢間以新幹線為主題嘅日本餐廳，而且店面好整潔乾淨就決定入去一試。一行過去餐廳職員已經好熱情同有禮貌同我哋打招呼，並安排咗座位比我哋。呢間餐廳係以日本新幹線軌道上菜，除咗上菜嘅車軌之外，上面仲有一架列車好得意咁巡迴🤭 我哋一行二人叫咗十幾款唔同嘅壽司，海膽軍艦令我最深刻，佢嘅價錢嚟講佢比嗰舊海膽都算大舊，而且食落好新鮮，完全無嗰種苦澀味，食完一舊即刻想叫多舊。另外個甜蝦刺身都好抵食，3隻甜蝦屬於正常size，不過食落就好鮮甜，一般我都會食埋蝦頭啲膏，都好鮮而且唔會有腥臭味，都係食過翻尋味之選。仲有和牛壽司塊和牛都好大塊，油脂分布好平均，唔會食落口一啖油咁，燒過之後好香口。壽司方面另外仲叫咗芝士吉列蝦卷、蟹籽沙律手卷、龍蝦沙律軍艦、赤蝦壽司、炙燒芝士熟蝦壽司、蟹棒天婦羅壽司、軟殼蟹卷同象拔蚌壽司。仲叫咗啲炸物同小食好似芝士蟹蓋、忌廉蟹肉薯餅同雞皮餃子。總括嚟講佢哋嘅壽司用料都好新鮮，不過壽司飯略嫌有啲酸，但都唔會遮咗材料嘅鮮味。小食同炸物都好有日本風味，芝士蟹蓋入面好似mac and cheese咁都有驚喜。餐廳主題好適合一家大細一齊嚟，小朋友應該會