紫荊閣 (Closed)

過年為左獎勵下自己，就約左班朋友去間好啲既餐廳食返餐好既，咁見到紅磡有間新開既中菜餐廳「紫荊閣」，仲要響酒店入面，睇落感覺都高級啲，就決定去呢間試下。去之前我都有上網做過下功課睇下有啲咩係店舖精選，見到個「叫化雞」幾乎個個去都一定會食啊，咁我係訂位果陣就順便訂定隻「叫化雞」。餐廳既位置都好近黃埔地鐵站，步行大概５分鐘就到。上到去見到成個裝修格局我都覺得好靚，餐廳鋪排既坐位又唔會覺得迫，坐低食飯最緊要就係夠舒服。我既習慣都係會問下餐廳既經理有咩係必食同值得推薦既，咁佢就同我解釋「紫荊閣」既賣點係有好多懷舊菜式，係出面未必食得到，例如「富貴龍鳳球」、「雞蛋焗魚腸」、「蜜汁焗雞肝」等等，之後係佢推薦下就點左「是日例湯」、「富貴龍鳳球」、「上湯浸豆苗」，再加上一早就訂定既「叫化雞」。「叫化雞」一黎到啊，師父就邀請我出去扲個槌仔扑下個雞，我覺得呢一部份係好得意，好岩鐘意相機食先既香港人，可以係食之前玩一玩咁，之於味道方面，會食到好重既荷葉味，肉質唔錯，加埋入面既配料，香口又好食。至於「富貴龍鳳球」，我個人覺得係必食，因為真係好好味，好味到都唔識形容，有機會你地真係要去試下。每道菜既份量都岩岩好，