🍽抹茶紅豆磅蛋糕
啱啱推出呢款loaf cake嗰陣已經覺得好吸引，但要原條賣，呢度有迷你版梗係要試下，磅蛋糕唔會太乾或太鬆散，蛋糕部分對我黎講稍甜，但配埋面頭微苦帶回甘嘅抹茶忌廉就啱啱好。
🍽咖喱定食（包$42餐飲）
定食望落色彩豐富，除左燒汁雞肉外，有半隻蛋、大量粟米芯同翠玉瓜，配搭均衡，日式咖喱汁甜甜地唔辣。
🍽日本櫻花蝦玉子燒飛碟三文治（包$42餐飲）
三文治烘到薄脆呈金黃色，撒上櫻花蝦，再夾住大大塊甜玉子，材料有鹹有甜但味道出奇地夾。
☕️Coco Chanel 椰子抹茶咖啡
呢杯喺Cupping Room旗下其他餐廳未見過，上抬時有好明顯嘅分層，一入口會先品嚐到咖啡味，之後係清甜嘅椰青水，最後輕輕帶啲抹茶嘅甘香，呢個組合比想像中融洽，幾特別！
☕️Cappuccino
一心黎飲咖啡嘅朋友話要叫啲大路野試清楚，鍾意nutty豆嘅佢話咖啡味道香濃幼滑，無令佢失望。
