主打澳洲黑安格斯牛、美國極黑牛，仲有海鮮任食！
1
最鍾意環境濶落舒服，冷氣夠，啱晒打邊爐。
食物分區好清晰，丸類、熟食、甜品、關東煮樣樣齊，飲品都有好多款揀！
🥘湯底揀咗月見壽喜燒，同埋期間限定嘅西西里蕃茄魚湯，夠濃郁！
一坐低店員先送上一set肉同海鮮拼盤，安格斯牛、極黑牛油脂分布好靚，輕輕淥6-7秒就食得，牛味香濃，肉質超嫩！肩胛肉就更有咬口，鍾意食牛嘅朋友一定滿足！
店員見我著白色衫仲拎圍裙比我，真係好細心🩷
海鮮方面，蝦、墨魚滑都好彈牙，三文魚刺身厚切新鮮，仲有迷你丼飯
韓國生蠔、竹笙蝦滑，乾淨又鮮味。
丸類同蔬菜都擺得整整齊齊！
除左甜品區既榴槤、藍莓大福、小蛋糕，
開心果雪糕、豆腐花、棉花糖….
仲有QR落單既楊枝甘露、紅豆豆乳冰豆花，
真係捧住個肚走呀！
1
