台灣館 (Closed)

翻新後既得寶商場多左唔少新面孔，等老公收工近近地去發掘一下有咩新野食，係二樓發現一間叫台灣館既新店。黃金涼瓜味道清新甘甜既涼瓜係消暑既首選食材，外觀青青綠綠唔算太吸引，無諗過包入蛋黃漿香炸而成既做法，都可以幾夾。薄薄地既咸蛋黃炸漿，隱約睇到入面青綠色涼瓜片。金黃色外層夠乾爽，輕輕力咬就裂開，感覺非常香酥脆口，仲食到細細粒橙紅蛋黃碎，咸香既味道之中更加渙發出層層甘香餘韻。薯仔粒炒牛柳鮮薯仔粒粒爽口，軟嫩有彈性既一口牛柳粒，外層配上特濃甜滑醬汁之後，啖啖肉都嘆到迷人醬香味，肉汁豐盈。老公飲冷泡烏龍茶我最近飲得太多凍飲，要飲薑母茶，薑味濃可以暖吓脾胃。