Bistro NTT by Attic

九龍塘搵西餐廳大家應該都會即刻係又一城搵有咩選擇，不過如果想搵間靜靜地又價錢親民嘅西餐廳好似又冇咩選擇。今次讀浸大嘅同學介紹左呢間位於bu嘅餐廳俾我，一試又真係相當唔錯。

大家可以係九龍塘站坐小巴25A、25B、25M，去到浸會大學道落車，一入正門就見到架啦！去開九龍塘又想搵個地方靜靜地傾下計呢度真係幾推薦大家！

✨️熔岩南瓜蟹肉意大利飯配三文魚籽鹹蛋 $198✨️
Risotto口感濃郁滑順，南瓜原隻上，店員話可以減輕油膩感，南瓜肉帶有微甜，蟹肉鮮嫩，三文魚籽爆裂清新，鹹蛋黃增添濃厚鹹香，米飯軟糯，每一口層次豐富。

✨️雞白湯蝦膠雲吞雞 $308✨️
首先想講相當大煲，雞白湯濃郁醇厚，飲落好暖身，係花膠雞湯個隻味。蝦膠都幾彈，雲吞外皮薄，內面嘅蝦肉都幾彈牙，雞肉嫩滑，整體口感清爽卻濃香，層次分明。