Shibui 洋食屋 (Closed)

開了一陣子的 Shibui 洋食屋，早前去了一次，今次再訪。分時段，網上訂座，用餐限時，設最低消費每位$200。小店只可以容納約六枱四人枱。午市餐牌簡單，供應不算太多種類，但尚算有幾款前菜、主菜、甜品、飲品提供。店內選用日本米。需加一服務費。店內主要位置為高樓底，有一輛電動火車行走，但不是每個位置都可以觀賞到！食具都係舊日本西式的款式。如果店員方便的話，可以帶客人上樓上參觀/選購日式餐具。其實由入口起，已經係一個非常多人嚟打卡的地方，入面座滿人的時候，又唔係影到咁多靚相，只係疫情下，去一下偽旅行體驗而已。我哋二人分別叫了紅酒牛肋條伴飯$148、和風咖喱軟殼蟹飯$158，附湯及沙律（是日蘑菇忌廉湯、薯仔沙律），另外加錢叫了兩杯飲品，青。天Aoi Sora 另加$48 、青梅梳打另加$38。食物未見驚喜，但是不過不失，我都係覺得呢度係食「打卡多啲」！如果可以的話，店員留一些時間同客人多一點交流，介紹店內裝修特色、概念、推介菜式等，令客人對小店產生多一點感情。（店員是有禮的，只係可以做得更好。）💪🏻🎈