Lemon Basil

是晚提早同爸爸食生日飯.
食泰菜, 當然首選九龍城!
但由於同父母前來, 環境不能太差.
所以決定黎籽苗葉試試.

預早已經訂好位, 一行6人, 被安排坐一張圓枱~
餐廳星期一至五有8折, 星期六日有85折 (套餐都有得折, 但蟹類就冇折扣)

叫了
小食拼盤 ($145)
有春卷, 香葉包雞, 蝦餅, 魚餅, 每款3件 (全部一開二) , 適合多人分享~
熱辣辣, 好香口.  

蝦醬通菜鮮尤 ($62)
一上枱已經好香陣陣蝦醬味. 但又唔會太咸

青芒果沙律($50)
D青芒果切成一條條, 好爽口, 酸酸辣辣,正.

酸辣去骨鳳爪 ($50)
又一酸辣菜式, 凍凍地, 好食, 但如果可以林D會更好.

炸軟報蟹 ($108)
炸蒜味好香, 即叫即炸, 熱辣辣, 一碟有8至9件

咖哩炒蟹 ($218 冇得折)
呢樣餸最快上枱, 應該係煮定...
但幸好都夠熱, 係肉蟹一大隻, 6人分享, 剛好每人一件.
個汁好好食, 唔太辣, 好香, 另外仲點了蒜容包($24 = 6件)同簿餅($24=6塊) 點汁食.

甜酸炒金邊粉 ($52)
有好多雞肉同蛋絲. 算係好足料.

飲品買一送一 (約$34)

最後, 當然係食生日蛋糕.
訂位時, 已經問左, 切蛋糕不收切餅費 !
侍應亦主動幫我地清枱, 同埋俾碟同义我地.
仲一人附上一杯熱茶.

服務好好.
最後, 大家都好滿意呢一餐. 有下次~

埋單: $8XX = 6人