上戶酒場 (Closed)

九龍城出名多美食，而家有埋地鐵好方便呀！呢晚friend子帶我到【上戶酒場】食美味嘅日本菜，入到去好似到左日本嘅居酒屋咁，好有feel～ 可以暫時醫吓思鄉病～前菜係我幾鍾意食嘅【鯷魚醬伴蔬菜】，鯷魚醬係以沙甸魚和吞拿魚混成，好鮮甜美味，配合爽口嘅蔬菜一齊食，簡直一絕～【火炙左口魚邊沙律】左口魚邊一疏疏好香滑，滿口油香～【燒鱈魚干】燒到金黃色香噴噴，趁熱食好香口～【池魚刺身】好吸睛， 仲可以1魚2食～薄薄的池魚刺身，好通透，盡顯師傅的刀功～蘸酸汁一齊食得特別鮮甜～而魚骨嘅部分就拎左去炸，炸到金黃色，好香脆～到【什錦串燒】出場！用煙燻特別有風味～ 煙燻活白鱔，肉質結實彈牙，豬肋條肉味濃郁，仲有黑豚肉腸同羊鞍呀～再嚟食個【芝士海鮮帆立貝】，放左玫瑰花做點綴，仲有卜卜趣嘅蟹籽，鋪了滿滿嘅芝士，令帆立貝口感提升～【鯛魚湯野菜烏冬】魚湯清甜，加上野菜，味道清怡健康～最後食埋美味嘅甜品【日式蛋卷】作結，巨蜂提子蛋卷和香蕉朱古力兩款口味各有特式，蛋糕十分新鮮香軟，呢次真係一個很圓滿的高質晚餐喔～