泰國路邊街美食

Open Now

Now Closed

自從老公亂打亂撞去過這間泰餐後，每次落城都要去食，重溫一下地道泰國風情。餐廳是很簡單地茂的，經營亦很家庭式的，請絕對不要抱住食環境的幻想。樓面廚師都是泰國人，但廣東話保證流利過新香港人。菜式是平平實實見慣見熟的泰菜。咸魚炒芥蘭的芥蘭很𣺉，但又不致於一pat嘢，少少咸香恰到好處，讚！第一次試雜錦湯河，但黎錯麵，照食。老闆娘話麵是由泰國入口的，食落的確很爽口，魚旦魚片亦很爽口。湯底很不錯，食完不覺口喝。老公每次必食的豬雜麵。麵底偏細，但可以加$5加大。老闆娘話這個豬頸肉沙津一定要用生菜包住食，果然無失望。豬頸肉有少少辣但非常𣺉及入味，用生菜包住加埋紫洋蔥，又爽又𣺉又辣又刺激，正！至於個泰式奶茶就無乜特別。食咁多嘢2個人加埋都係唔駛$200，真係平靚正！