上戶酒場 (Closed)

屯馬線開咗，呢輪都多咗去宋王臺站，九龍城食飯，今日去咗呢間日式居酒屋，前菜係野菜伴鳀魚醬，沙甸魚及鳀魚醬充滿鹹香，點醬後野菜條入口特別清甜。原條依佐木刺身配酸汁，白身魚的爽口，魚味夠鲜，油份不會太重，適合夏天吃，加上酸汁特別醒胃。生蠔刺身，入口爽脆海水味重。泡菜炒豚肉，有啲韓式，酸酸地加埋豬肉，送酒走唔錯。煙熏厚切三文魚及日本豚腩肉，完個煲上，打開聞到勁煙燻香氣，個人覺得肥少少的豚腩肉比較配合，入口爽爽脆脆似煙肉，但層次更豐富。鐵板鮑魚配蟹肉海草汁，鮑魚夠彈牙有甜味。龍蝦味增虎蝦，面上有大量龍蝦味噌，味噌加埋龍蝦膏的甘香，味道好特別，面頭仲有好多蟹籽，卜卜趣，口感豐富。刺身剩低的依左目魚滾的魚湯，白雪雪的魚湯入口鮮味又夠熱，飲完酒飲少少熱湯特別舒服。