Video
Read full review
2017-06-12
93 views
有個中學同學生日，咁岩之前同女朋友學踩單車行過九龍城福佬村道，又想體會下用石黎燒野食！咁就有個藉口叫埋幾個同學黎到『牛石』完我心願～『牛石料理』既招牌簡單直接，就咁４隻字放上黎個石字係紅色既原因，我諗係因為想強調用石黎燒牛食！亦都毫無疑問，呢間係１間專攻牛料理既餐廳～餐牌已經充滿日本風格～而且每１道菜都明確標好價錢，再加上圖文並茂，是為上品既餐牌！中英對照，迎合埋黎自外國既客仔～ 貼心貼心：）- 蟹籽沙律作為餐前小食份量啱啱好，唔會令人感到太飽，沙律味道清新開胃，蟹籽同蔬菜絲比例２：１毫不吝嗇！啖啖都食到蟹籽，好滿足：Ｄ- 原隻燒帶子我極力推薦呢道小菜，睇圖片可能覺得冇咩特別！但食落去就知佢有幾咁出眾，估唔到海鮮都可以做到外脆內軟既效果～ 佢外皮燒到小小燶，食落口唔單止更加香，而且脆脆地十分好口感內裡卻非常軟身，配合埋鎖係入面既帶子汁，非常非常高質！！ 啖啖都係肉，啖啖都係滋味：Ｄ- 日式炒野菜佢火喉十足，本身椰菜冇咩味道，但炒埋三色椒再加埋少少麻油，令呢道菜更加野味而且口感啱啱好，唔會炒到好淋，椰菜同三色椒都好爽口。- 澳洲霜降和牛牛舌賣相整得幾靚，肉既色澤本身已經好靚，而且每件和牛
咁就有個藉口叫埋幾個同學黎到『牛石』完我心願～
『牛石料理』既招牌簡單直接，就咁４隻字放上黎
個石字係紅色既原因，我諗係因為想強調用石黎燒牛食！
亦都毫無疑問，呢間係１間專攻牛料理既餐廳～
餐牌已經充滿日本風格～
而且每１道菜都明確標好價錢，
再加上圖文並茂，是為上品既餐牌！
中英對照，迎合埋黎自外國既客仔～ 貼心貼心：）
- 蟹籽沙律
作為餐前小食份量啱啱好，唔會令人感到太飽，沙律味道清新開胃，
蟹籽同蔬菜絲比例２：１毫不吝嗇！
啖啖都食到蟹籽，好滿足：Ｄ
- 原隻燒帶子
我極力推薦呢道小菜，睇圖片可能覺得冇咩特別！
但食落去就知佢有幾咁出眾，
估唔到海鮮都可以做到外脆內軟既效果～ 佢外皮燒到小小燶，食落口唔單止更加香，而且脆脆地十分好口感
內裡卻非常軟身，配合埋鎖係入面既帶子汁，非常非常高質！！
啖啖都係肉，啖啖都係滋味：Ｄ
- 日式炒野菜
佢火喉十足，本身椰菜冇咩味道，但炒埋三色椒再加埋少少麻油，令呢道菜更加野味
而且口感啱啱好，唔會炒到好淋，椰菜同三色椒都好爽口。
- 澳洲霜降和牛牛舌
賣相整得幾靚，肉既色澤本身已經好靚，
而且每件和牛牛舌既外型分割得岩岩好～
牛石料理既『石』就係度體現出黎，
燒之前叫職員係上面塗上一層薄薄既油，同平時韓燒唔同既係，
『石』既熱力好平均，唔易令到肉燒燶，所以燒出黎既食物當然特別好食！
而且用石黎燒絕對係新體驗，有趣：Ｄ
當然，燒既時間都係要由客仔自己控制，唔係既話牛既口感都會有所影響既ＸＤ
燒完之後，每件牛舌燒完後，都有牛吞應該有既爽口！
肉質亦非常嫩，食得出唔係一般平價野：）
- 日本佐賀和牛由和牛既外表可以睇得出，佢既雪花紋多而平均，即係代表佐賀和牛既脂肪係比較多～
亦都係代表牛係將會更加濃味！
而且佢係比較厚身，食既時侯都特別爽！ 特別充實～
肉汁多已經不在話下，牛肉既味道都好濃，亦都非常軟身，易入口！
爽！
燒完肉既時侯，可以就住自己既喜好，加Ｄ海鹽 Or 黑椒落去調個味～ 但本身比較唔推薦加料，
因為本身已經非常夠味！ 同埋咩都唔加就係食，可以食到佢牛本身既鮮味，亦都唔會比其他調味料改變到隻味：Ｄ
- 燒冬菇
食左咁多肉，最後食返個冬菇清下腸胃啦：）
每隻冬菇頂都加小小木魚，令到冬菇唔會太單調
有小小咸味配上鮮甜多汁既冬菇，爽口得黎又好味～
作為唔錯既結尾：Ｄ
～～～～～～～～～～～～～～～～～～～～～～～～～～～～～～
整體而言；
用『石』黎燒係我既新體驗，我既幾位朋友都對『牛石料理』既牛讚好不絕，
除左牛，仲有其他刺身呀，燒烤呀，海鮮食～ 非常多種類
價錢都好公道，同３位朋友除返開，都係每人３００蚊，就可以有新既體驗：）
味道絕對係上級之選，牛既份量雖然唔多，但每１件都係實力之作！！！
喜歡牛既朋友可以黎食：）
Post
