Video
Read full review
2016-11-26
72 views
黎九龍城成日食泰菜真係有啲悶，跟住今日黎到行下行下就見到呢間新野，我地就費事再揾野食，於是就揀左入去開餐。一坐低感覺餐廳都真係幾大喎，真係令人有舒服嘅感覺，唔會覺得擠逼。鮑魚鮑魚好有口感而且燒出來食到佢嘅原味，果種淡淡嘅海水咸味，唔需要任何嘅調味都已經好令人滿足。蜆蜆開始蒸之前仍然係緊閉狀態，煮完之後就乖乖咁開晒口，感覺真係好生猛，而且入口又夠晒鮮美。熊本產西冷(厚切 )唔好睇佢好似好冰咁，煮完之後入口令人感覺好夠厚身好夠肉味味，不過入口份量大啲就更好。和牛炒飯和牛入口夠晒肉味又夠晒結實，炒飯粒粒分明又夠熱，餐廳師傅果然夠功力。燒七味魚翅魚翅大大片，入口好有口感，加埋沙律醬一齊食就更惹味喇，作為一個中間傾偈嘅小食真係絕對一個好選擇。燒菠蘿菠蘿入口鮮甜，而且餐廳將菠蘿好細心咁切成一片片，令食客可以好輕易咁食到菠蘿，真係認真貼心。軟殼蟹沙律軟殼蟹炸得岩岩好，入口肉質細嫩又唔會太厚粉，沙律菜又夠晒冰涼，食左咁多野食番小小菜個人都fresh啲喇各式串燒呢度嘅串燒都係唔可以唔講下架，因為呢度係即叫即燒，而我比較鍾意呢度嘅雞腎，因為粒粒入口厚實，而家好有肉味，而且餐廳燒得岩岩好，入口又唔會乾。估唔
黎九龍城成日食泰菜真係有啲悶，跟住今日黎到行下行下就見到呢間新野，我地就費事再揾野食，於是就揀左入去開餐。一坐低感覺餐廳都真係幾大喎，真係令人有舒服嘅感覺，唔會覺得擠逼。
鮑魚鮑魚好有口感而且燒出來食到佢嘅原味，果種淡淡嘅海水咸味，唔需要任何嘅調味都已經好令人滿足。
蜆蜆開始蒸之前仍然係緊閉狀態，煮完之後就乖乖咁開晒口，感覺真係好生猛，而且入口又夠晒鮮美。
熊本產西冷(厚切 )唔好睇佢好似好冰咁，煮完之後入口令人感覺好夠厚身好夠肉味味，不過入口份量大啲就更好。
和牛炒飯
和牛入口夠晒肉味又夠晒結實，炒飯粒粒分明又夠熱，餐廳師傅果然夠功力。
燒七味魚翅魚翅大大片，入口好有口感，加埋沙律醬一齊食就更惹味喇，作為一個中間傾偈嘅小食真係絕對一個好選擇。
燒菠蘿菠蘿入口鮮甜，而且餐廳將菠蘿好細心咁切成一片片，令食客可以好輕易咁食到菠蘿，真係認真貼心。
軟殼蟹沙律軟殼蟹炸得岩岩好，入口肉質細嫩又唔會太厚粉，沙律菜又夠晒冰涼，食左咁多野食番小小菜個人都fresh啲喇
各式串燒呢度嘅串燒都係唔可以唔講下架，因為呢度係即叫即燒，而我比較鍾意呢度嘅雞腎，因為粒粒入口厚實，而家好有肉味，而且餐廳燒得岩岩好，入口又唔會乾。
估唔到九龍城除左泰菜其他嘅都唔錯喎仲要送埋甜品，下次都要同其他人黎九龍城發掘下其他先得。
Post
