驟眼睇，呢度條條街都一樣樣，所以搵佢都有啲難度🙈
可能因為係中午既關係，暫時看不長長的人龍
食咩好呢？
咁我位泰國朋友就推介，試左以下幾個餸：燒豬頸肉、蛋包鮮蝦金邊粉、泰皇秘制鰂魚沙律、串燒☺️
咁係上菜前就緊係要上消暑既飲品啦！
第一個：燒豬頸肉
泰皇呢度既豬頸肉燒得都算乾身，配埋個辣汁，入口酸酸辣辣幾醒胃👍🏼而且佢個份量都多，可以話抵食夾大件👀
第二個：蛋包金邊粉
呢個造型既金邊粉我都係第一次見，賣相都已經勁吸引😍聽朋友講其實咁食金邊粉，係泰國都好普遍⋯
撩開面個層蛋，裡面既金邊粉都仲熱辣辣架，即使坐係冷氣底，佢個熱力都last到好耐。味道方面，金邊粉入口係偏甜既，但食食下都會食到有少少辣😋至於蝦方面，隻隻都超彈牙，配埋個汁，有少少似食茄汁蝦既味道
第三個：串燒三拼（注意：串燒製作需時啊！）
串燒每串都用醃料醃過，而係燒烤既過程中都有落調味料去燒，所以大致上唔使點佢個沙嗲醬入口都好夠味！！😋
第四個：泰皇秘制鰂魚沙律（注意啊！呢個沙律係有啲辣架！同埋都幾大碟，可以三、四個人share）
說真的，我都係第一次見原條鰂魚咁上既沙律，而泰皇好貼心，係將魚肉片成一片片然後拎去炸，所以食客係可以放心大啖大啖咁食。食法係：首先夾一片魚肉，然後再夾沙律，一次過放入口食。味道偏濃，但真的很野味。
三個人黎講，食到啲咁特別既泰國，四百幾蚊都值既👀
