倫敦大酒樓

Open Now

Now Closed

倫敦大酒樓位於繁華的彌敦道上..佢保留左我小時候對酒樓既認知-有班姐姐堆住車仔叫賣點心😊😊其實一直都覺得呢樣係好有香港特式既傳統...但隨住社會既變遷，令到呢樣傳統慢慢消失☹️☹️今日黎食既唔係味道，係回憶...❤️❤️❤️都知道呢度既野食真係好麻麻，但係可以懷舊一下都冇咩所謂啦～呢度唔係拎飛等位既...係自己搵位😁😁搵到位你就可以坐架喇！坐低冇耐，侍應姐姐好快就會過黎問你幾多位&飲咩茶...仲開張回心卡比你拎出去蓋印仔添...出去睇下有咩食先～出到去已經好耐冇見過既煎野車仔喇～ 雖然冇咩興趣，但係好香呀❤️仲有呢類形既糕點-白糖糕...一架架放左唔同種類點心既車仔...可以自己揭起睇下有咩或者問下姐姐都得架🤪🤪唔同種類既飯！我拎左鳳爪排骨飯，因為我真係好鍾意食酒樓嘅鳳爪排骨飯配埋佢哋嘅甜豉油一絕！但呢度既飯好爛好濕☹️當有椰皇燉奶既時候會有叮咚叮既廣播💕💕係今餐最好食既野食喇💕💕💕好香奶味呢度應該真係比大家回憶同遊客打卡既地方...當日有好多日本人同年輕日都好似我咁一路影相一路拎野食，因為個感覺真係好特別嘛🙈🙈🙈