四季常餐 (Closed)

好啦，其實事緣係因為想去中環飲嘢，於是就搵下附近有冇咩好食嘅餐廳上網搵搵下就見到e間都幾多人推介嘅四季常餐。好，就試下啦！滑牛炒蛋飯 （$59）望落去其實已經唔差，但食落去就係真係超級好食特別係佢啲蛋，加埋蔥同埋甜豉油，個味道真係10分夾！！牛肉都好好食，ps有蒸肉餅嘅感覺，哈哈🤣🤣常餐: 炒蛋多士加忌廉雞湯火腿通粉 ($48)成個常餐，我覺得最好食嘅竟然係塊多士佢出面外脆內軟，而且烤嘅程度啱啱好~ 炒蛋都唔差，但相比之下滑蛋牛飯嘅蛋好食啲。忌廉雞湯都幾特別，最後我係飲晒d湯嘅😙餐茶可以有嘅選擇就相對少啲，得檸茶檸水奶茶咖啡。不過總括而言，e間嘅性價比好高。不太貴又好吃