Pataya

今日見天氣好，揸車去大美督船灣淡水湖水壩行吓，打算在附近食下午茶先行，見到芭堤雅小廚門口有座四面佛，職員在門口好熱情招呼，可以室內或室外用餐，方便踩單車食客，見下午茶價錢唔貴，就走入去試一試。
我哋叫咗泰式湯麵餐（$48），有8 款可以選擇，仲可以雙拼加$12， 香芧豬扒加$16。
我哋叫豬頸肉金邊粉、香茅豬扒金邊粉及香茅雞翼金邊粉，飲品加$8 ，特飲半價。
豬頸肉好香口惹味，雞翼及豬扒都好有香芧味，唔會好乾，金邊粉軟硬度適中而且分量十足，配埋青檸辣椒🌶️汁，更加好味。
我加咗件紅豆冰特飲，半價$18（原價$36），唔太甜，正。朋友加$8 叫咗熱奶茶及凍檸茶味道都OK。
下午茶仲有其他選擇：小食餐（$43）、泰式無骨豬扒包（$40）及泰式吉列魚柳包（$40），平日唔使加一👍🏻👍🏻

1

1