先食仙鳳趾牡蠣，鮮甜帶海水味，一咬爆汁。跟住香箱蟹茶碗蒸，蟹膏濃郁，蛋香幼滑。
刺身超新鮮，油脂均勻。鰤魚蘿蔔煮湯清甜，魚肉軟嫩入味。
伊勢龍蝦麵線卷加上番茄芝士香氣四溢，咬落去仲有蝦汁。
熊本和王A5牛扒油花細膩即化，肉香好實在。
鰻魚青瓜土佐酢清爽開胃，五貫壽司米飯有溫度，淨味龍蝦味噌湯收尾剛好。
大部分食材熊本直送，香港得呢度咁專注九州風味！順便一提，喺度過生日有免費手繪生日碟，影相一樣靚。
呢個Menu 1/12 - 31/12提供👍🏻除夕倒數夜就分兩場，窗邊$1000一位，其他$800，第二場20:30後入座，煙花近到唔使出街都睇晒。想試就要快手book啦！留意到佢哋仲有日本傳統御節料理，香港極少見，大家記得試吓！
