新潮樓 (Closed)

放假黎九展睇戲，見到呢間茶樓最近新開業，主打潮菜，叫咁耐無食潮州菜，都想試下☺️除左潮菜，仲有點心供應，岩晒我兩樣都想食😜🌟鮑魚燒賣 叫左款特別D 嘅燒賣，燒賣上層加左粒飽魚仔，口感彈牙🌟水晶蝦餃皇 蝦餃嘅皮非常晶瑩透透，而入面放左好多爽口嘅蝦肉🌟鮮蝦菜苗餃 鮮蝦搭配鮮嫩菜苗，清爽滋味，有多重口感😍🌟帶子腸粉呢款腸粉第一次食，腸粉好滑，入面包住帶子同菜，幾好食，幾鐘意呢款腸粉，口感幾特別😋帶子亦好鮮甜😝🌟自家製蝦蟹棗蝦蟹棗係佢地自家製，除左蝦肉同蟹肉，仲落左豬肉、馬蹄，唔夠得食落咁爽脆，配埋柑桔醬更惹味😚🌟香煎蠔仔酪蠔仔餅呢款潮州菜相信無人唔識，蠔仔肥美飽滿，餅唔會太厚粉，煎到黃金色澤，食落脆卜卜，都好味😋🌟魚湯四寶河有4款餸，包括魚旦，豬肉丸、豬肉丸，魚皮，湯底就用冬菜、芫荽、炸蒜調味，味道夠晒地道🤩