神戶屋日韓放題

Open Now

Now Closed

尋日諗住帶班老友試吓香港放題有幾癲，帶左佢地去兆萬中心間「神戶屋日韓放題」挑戰！🍲 講明先，佢哋最近狂推火鍋放題，湯底好多花款：重慶麻辣鍋辣到噴火🌶️、椰子雞湯濃郁香甜、仲有番茄鍋酸咪咪超開胃！我地最後揀左麻辣雞煲，辣度剛好，雞肉肥嫩。另外我地仲叫左個蕃茄鍋，我d老友一見到個「配料山」即刻眼甘甘——肥牛紋理靚到爆、牛蛙腿大隻到似健身教練咁💪、雞子補身夠滋補😏，連台灣辣腸都爆曬汁，蝦滑仲彈牙過乒乓波🏓，撈埋金針菇索湯汁，食到全枱靜晒得返「索索聲」！😂鐘意食刺身嘅都唔使愁！個「豪華拼盤」一上枱，即刻忍吾住拎手機狂影📱：海膽濃到似食緊雲呢拿雪糕、生蠔肥美清甜到漏、長腳蟹腳長過我手臂😱，大海蝦仲要醃製過，無敵啊！三文魚腩油香爆棚，我個老友食完猛話「抵返晒啦！」最癲係任飲啤酒汽水🥤，我班老友狂隊話「飲多兩罐先回本」😂！甜品有重慶冰粉滑溜溜，仲有雪糕任拎，已經約定下次再戰！